«Қазақстанның еңбек сіңірген ұстазы» мемлекеттік сыйлығының иегерін құттықтаймыз!!!
18-05-2021, 09:00. Разместил: admin
2019 жылдың 27-желтоқсанында Мемлекет басшысы Қ.К. Тоқаев "Педагог мәртебесі туралы" Заңға қол қойды. Аталған Заңға «Қазақстанның еңбек сіңірген ұстазы» мемлекеттік марапат тағайындау енгізілді.
Жуырда "Педагог мәртебесі туралы" Заңда көрсетілгендей мемлекет басшысы Қ.К. Тоқаевтың қолдауымен елімізде педагогика саласына айтарлықтай еңбек сіңірген 20 дан астам мұғалім Еліміз бойынша «Қазақстанның еңбек сіңірген ұстазы» мемлекеттік сыйлығының алғашқы иегерлері болды.
Облыс бойынша марапатталған 3 ұстаздың ішінде К. Тоқаев атындағы орта мектептің ардагер ұстазы В.Г. Спиридонованың болуы аудан үшін үлкен мәртебе. Мамыр айының 13-і күні педагогика саласына бар өмірін арнаған, ұлағатты ұстаз Спиридонова Валентина Григорьевнаға Алматы облыстық білім басқармасының басшысының орынбасары Ж.М. Сулейменова аудан әкімінің орынбасары Қ.Қасымовтың, білім бөлімі басшысы міндетін уақытша атқарушы А.Оңғаровтың қатысуымен «Қазақстанның еңбек сіңірген ұстазы» мемлекеттік сыйлығын арнайы табыс етті.
Ауданымыз бойынша «Қазақстанның еңбек сіңірген ұстазы» мемлекеттік сыйлығының алғашқы иегері атанып отырған ардагер ұстазымызды мәртебелі мемлекеттік марапатымен шын жүректен құттықтаймыз! Ұлағатты ұзтаз Валентина Григорьевнаға зор денсаулық, ұзақ та бақытты ғұмыр, отбасына құт береке тілейміз.
Вернуться назад