Аудандық практикалық вебинар
15-03-2021, 09:09. Разместил: admin
Бүгін, 15.03.2021ж. сағат 16.00-де мектеп директорлары мен оқу-тәрбие, әдістемелік ісі жөніндегі орынбасарларына аудандық практикалық вебинар өткізілді. Вебинар барысында білім беруді дамыту оқу-әдістемелік орталығының аға әдіскері Нұргүл Ағдарбекқызы іс-тәжірибе бөлісетін оқушылардың функционалдық сауаттылығын дамыту, кітап оқуға ынталандыру мәселесінің бүгінгі күндегі өзектілігіне тоқталды. Вебинарда «Функционалдық сауаттылықты арттыру – сапалы білім кепілі» тақырыбында функционалдық сауаттылықты дамыту бағытындағы жұмыстарды тиімді ұйымдастыру мақсатындағы мектеп-гимназияда жүргізіліп жатқан жұмыстарымен С.Морозов атындағы №51 ОМГ директоры С.Жүнісова және «Оқуға құштар мектеп – оқуға құштар ұлт» жобасы тақырыбында оқушылардың оқу мәдениетінің деңгейін және олардың оқу белсенділігінің өсуін арттыру, жас ұрпақ бойында азаматтық, рухани-адамгершілік құндылықтарды қалыптастыру мақсатындағы мектепте құрылған жоба жұмыстарымен Ж.Молдағалиев атындағы ОМ директоры С. Үсенова іс-тәжірибе бөлісті. Вебинар соңында іс-тәжірибесімен бөліскен мектеп басшыларына әріптестер тарапынан кері байланыстар беріліп, көктемгі демалыс уақытында жоспар бойынша ұйымдастырылатын тәжірибелік алаң тақырыптары бойынша ұсыныстар айтылды.
Вернуться назад