Әдістемелік кабинет - Қаратал ауданының білім бөлімі

Облыстық байқауда сәттілік тілейміз!!!

admin — Thu, 16 Sep 2021 12:34:04 +0600

Өткен оқу жылының 04,05-мамыры күндері өткізілген аудандық «Жылдың үздік мұғалімі 2021» байқауына аудан мектептерінен 24 мұғалім ережеге сәйкес дайындықпен талапқа сай қатысты.

Байқау қорытындысы бойынша Лермонтов атындағы орта мектептің қазақ тілі мен әдебиеті пәні мұғалімі Акишева Жұлдыз Мейранқызы бас жүлдені иеленіп, байқаудың облыстық кезеңіне жолдама алған. Жұлдыз Мейранқызы жақында қыркүйектің 24 күні облыстық білім беруді дамыту оқу-әдістемелік орталығы ұйымдастыратын байқаудың облыстық кезеңіне дайындалуда. Байқауға қатысушы үміткер ұстазға шығармашылық пен шабыт тілей отырып, сәттілік серік болсын дейміз!

Аудандық «Үздік педагог» анықталды

admin — Wed, 28 Apr 2021 12:31:21 +0600

27-сәуір күні Республикалық «Үздік педагог» байқауы аясында аудандық сырттай байқау ұйымдастырылды. Байқауға аудан мектептерінен 15 мұғалім ережеге сәйкес дайындықпен талапқа сай қатысты.
Байқау қорытындысы бойынша М.Горький атындағы орта мектептің бастауыш сынып мұғалімі педагог-мастер Ногай Жанна Павловна 1-орынды иеленіп, байқаудың облыстық кезеңіне жолдама алды. Ногай Жанна Павловнаны шығармашылық жұмысының нәтижесімен құттықтай отырып, облыстық кезеңге сәттілік тілейміз!

«Үздік педагог»

admin — Wed, 07 Apr 2021 12:19:16 +0600

Елімізде Қазақстан Республикасы Білім және ғылым министрлігі тарапынан «Үздік педагог» байқауы ұйымдастырылуда.
Республикалық «Үздік педагог» байқауы аясында сәуір айының соңғы аптасында аудандық сырттай байқау ұйымдастырылады. Байқау ережесі мектептердің электрондық почтасына жіберілді. Әр мектеп ережеге сәйкес сәуір айының 20-на дейін қатысушы сұраныстары мен құжаттарын Білім бөліміне жіберулеріңіз сұралады.

«Елбасы Медалі» жобасының Қаратал ауданы бойынша жеңімпаздарын құттықтаймыз!!!

admin — Thu, 01 Apr 2021 10:05:27 +0600

Қазақстан Республикасының Тұңғыш Президенті – Елбасы Н.Назарбаевтың жас таланттар мен көшбасшыларды қолдау және дамыту жөніндегі «Ел үміті» бастамасы аясындағы «Елбасы Медалі» жобасы басталғаннан (2020ж. жаз айынан) белсене қатысып, жоба тапсырмаларын алты ай бойы талапқа сай орындап, жобаның бірінші кезеңін табысты аяқтаған Р.Қошқарбаев атындағы ОМ оқушылары Ә. Байғазинова, А. Важитова, М.Горький атындағы ОМ оқушылары Б.Шаймерден, Д.Өмірханқызы, №13 ОМ оқушысы А.Нұрғазымова көрсеткіштері бойынша үздік деп танылып, нәтижесінде Қазақстан Республикасы Үкіметінің 24.04.2020ж. «Он төрт жастан жиырма тоғыз жасқа дейінгі балалар мен жастарды патриоттық танытқаны және белсенді азаматтық ұстанымы үшін ерекшелік белгісімен наградтау қағидаларын бекіту туралы» №249 қаулысына сәйкес «Елбасы Медалі» иегерлері атанды! «Елбасы Медалі» иегерлері атанған талантты да көшбасшы жастарымызға Алматы облысының білім басқармасы да құттықтау жолдап отыр. Аудандық білім бөлімі де дарынды оқушыларымызды жоғарғы нәтижелерімен құттықтай отырып, болашақтарының жарқын болуына тілектестік білдіреді!

«Бастауыш сыныптарда ғылыми-зерттеу жұмыстарын ұйымдастыру» тақырыбында аудандық вебинар өткізілді

admin — Thu, 01 Apr 2021 09:34:00 +0600

Бастауыш сынып оқушыларының зерттеушілік іс-әрекеті қазіргі мектеп бағдарламаларында маңызды рөлге ие. Мұның себебі зерттеушілік іс-әрекетті бала қабілетін ашу, үйлесімді тұлға етіп тәрбиелеу мен дамытудың мықты құралы деп тануда деп білеміз.

Бастауыш мектептегі зерттеушілік іс-әрекетінің мақсаты: бастауыш сынып оқушыларының зерттеушілік әрекетін жүзеге асыру және зерттеушілік қабілеттерін дамыту арқылы интеллектуалдық-шығармашылық әлеуетін дамыту.2021 жылдың 30 наурыз күні Қаратал аудандық білім беруді дамыту оқу-әдістемелік орталығының жұмыс жоспарына сәйкес, «Каникулдық мектеп» жобасы аясында әдіскер Қ.Салахованың ұйымдастыруымен ауданның бастауыш сынып мұғалімдері арасында «Бастауыш сыныптарда ғылыми-зерттеу жұмыстарын ұйымдастыру» тақырыбында аудандық вебинар өткізілді. М.Горький атындағы орта мектептің бастауыш сынып мұғалімдері іс-тәжірибесімен алмасты. А.Даутова мен А.Ахметова жобаны орындаудың түрлі кезеңінде өз бетінше әреке ету деңгейін; топтық жұмысқа қосқан жеке үлесі мен жүктелген жұмысты орындаудағы жауапкершілік деңгейін; пәндік және жалпы оқу білім, білік, дағдыларын практикада қолдануын; жобаны орындауда қолданылған жаңа ақпараттар саны мен сапасын; қолданылған ақпаратты түсіну деңгейін; қолданылған әдістеменің күрделілік деңгейі мен меңгеру дәрежесін; мәселені шешудегі идея, тәсілдердің ерекшелілігін; жоба мәселесін түсінуі мен жоба не зерттеу мақсатын құру; презентацияны ұйымдастыру мен өткізу деңгейін; өзін-өзі бақылау мен өзін-өзі талдау дағдыларын игеруін; презентацияны дайындауға шығармашылық қатынасты; алынған нәтиженің қоғамдық және қолданбалы маңызын түсіндіріп ,жұмыс нәтижесіне тоқталды. Вебинар соңыда әріптес тарапынан түскен сұрақтар мен ұсыныстар тыңдалды.

«Виртуалды кабинет – білім берудің тиісті сапасын қамтамасыз ету құралы»

admin — Wed, 31 Mar 2021 09:23:51 +0600

30.03.2021ж. сағат 11.00-де мектеп директорлары мен оқу-тәрбие, әдістемелік ісі жөніндегі орынбасарларына педагогтардың танымдық қызметінің нәтижесін барынша арттыруда қажетті ақпаратты кез келген уақытта алудың, үздіксіз білім берудің ашық жүйесін құрудың шынайы мүмкіндіктерін беру мақсатында «Виртуалды кабинет – білім берудің тиісті сапасын қамтамасыз ету құралы» тақырыбында аудандық тәжірибелік алаң өткізілді. Тәжірибелік алаң барысында білім беруді дамыту оқу-әдістемелік орталығының аға әдіскері Нұргүл Ағдарбекқызы виртуалды кабинет қашықтықтан (онлайн) оқытуда ғана емес дәстүрлі (офлайн) оқытуда да педагогтардың қажетті ақпаратты уақытылы алуына қолайлы екендігіне тоқталды. Тәжірибелік алаңда К.Тоқаев атындағы ОМ директоры Л.Испанова мектепте ашылған виртуалды кабиеттің мақсат, міндеттерімен таныстыра отырып, кабинетті ашу қадамдарын көрсетсе, №13 ОМ директоры Ш.Шарипбаева информатика пәні мұғалімі М.Көпбаевпен бірге мектепте ашылған виртуалды кабинеттің бөлімдеріне жеке-жеке тоқталып, папкаларда қандай құжаттардың салынғанын және аталған мектеп мұғалімдеріне кез-келген уақытта қолжетімді екенін айтты. Сонымен қатар, №13 ОМ кітапханашысы А.Үркімбаева «Оқуға құштар мектеп, оқуға құштар ұлт» жобасы аясында жоспар бойынша жүргізіліп жатқан жұмыстарын баяндап, іс-тәжірибе бөлісті. Тәжірибелік алаң соңында іс-тәжірибесімен бөліскен мектеп басшыларына әріптестер тарапынан кері байланыстар беріліп, модератор Нұргүл Ағдарбекқызы барлық мектепте виртуалды кабинет ашылу керектігін және кабинет жұмысын жандандыруға тапсырма берді.

«Зерде» зерттеу жұмыстары мен шығармашылық жобалар конкурсы республикалық кезеңінің жеңімпазы мен белсенді қатысушысын құттықтаймыз!!!

admin — Fri, 29 Jan 2021 12:18:16 +0600

1-7 сынып оқушылары арасындағы республикалық «Зерде» зерттеу жұмыстары мен шығармашылық жобалар конкурсының облыстық сырттай кезеңінде жүлделі 1-орындарды иеленіп, республикалық кезеңге белсене қатысып 2-орын алып отырған Лермонтов атындағы ОМ 5-сынып оқушысы Эсмерова Заринаны және белсене қатысып сертификат иеленіп отырған С.Морозов атындағы №51 ОМГ 4-сынып оқушысы Қожахметов Тамерланды республикалық жетістіктерімен құттықтаймыз!!!

Қазіргі күні маңызды болып отырған зерттеу жұмыстары мен шығармашылық жобалармен бастауыш сыныптан айналысып отырған дарынды да талантты оқушыларымызға зерттеп отырған тақырыптарын ары қарай дамытып, алған ғылыми білімдерін өмірде де қажетіне жаратып табысты қолданады деген үлкен сенім артамыз!!!

Жас зерттеушілеріміздің болашағы зор болсын!!!

Жеңімпаз ұстазды құттықтаймыз!!!

admin — Wed, 27 Jan 2021 15:18:12 +0600

Қазақстан Республикасында білім беруді жəне ғылымды дамытудың 2020-2025 жылдарға арналған мемлекеттік бағдарламасы аясында педагог мамандығының мəртебесін көтеру мақсатында облыстық білім беруді дамыту оқу-əдістемелік орталығы ұйымдастырған облыстық "Педагогикалық идеялар" фестиваліне белсене қатысып жүлделі 1-орынды иеленген Балалар шығармашылығы орталығының шертер аспабы жəне эстрадалық əн оқытушысы Дастан Аршынбекті облыстағы жоғары нəтижесімен 1-орын иегері атануымен шын жүректен құттықтаймыз! Жас ұстазға бағындырар биіктерің көп болсын дей отырып шығармашылық шабыт тілейміз!!!

Республикалық "Ғылыми жобалар байқауының" жеңімпазын құттықтаймыз!!!

admin — Tue, 19 Jan 2021 17:12:25 +0600

Қазақстан Республикасы Білім және Ғылым министрлігі тарапынан Əл-Фарабидің 1150-жылдығына орай ұйымдастырылған Республикалық "Ғылыми жобалар байқауына" белсене қатысып, облыстық іріктеу кезеңінде жеңімпаз атанып, республикалық кезеңде 3-орынды иеленіп отырған Р.Қошқарбаев атындағы ОМ оқушысы Ким Аринаны Республикалық жетістігімен шын жүректен құттықтаймыз.

Дарынды да талантты оқушымыздың болашағы жарқын болып, бұдан да жоғары биіктерді бағындыра берсін!!!

"Инновациялық қадам" жобасы бойынша үш тілді жетік меңгерген жасөспірімдерді анықтау, қолдау жəне мадақтау мақсатында өткізілген "Мəңгілікке сүйікті туған өлке" байқауы

admin — Tue, 12 Jan 2021 10:39:10 +0600

Алматы облысы білім беруді дамыту оқу-əдістемелік орталығы ұйымдастырған "Инновациялық қадам" жобасы бойынша үш тілді жетік меңгерген жасөспірімдерді анықтау, қолдау жəне мадақтау мақсатында өткізілген "Мəңгілікке сүйікті туған өлке" байқауының қорытындысы бойынша 3-орынды иеленген А.Пушкин атындағы ОМ 9-сынып оқушысы Мұхаметқали Дəулеткерейді облыстағы көрсеткішімен құттықтаймыз! Үш тілді жетік меңгеріп отырған дарынды оқушымыздың болашағы жарқын болсын!!!